hohojnews
1. 珍惜家人
我想講，我之前一啲都唔重視親情，甚至覺得屋企人係冇用。
但出事之後，我係醫院見到家人個面孔就忍唔住即刻大喊。
佢地周圍撲問人借錢搵律師去救我，跑黎跑去，只係希望我冇事。
係出事既時侯唯一可以無條件支持到你既只有屋企人，無他。
2. 支持義士
係被扣留果60個鐘入面，我經歷左亦都諗起好多野。
係羈留室入面乜都冇，得一兩張毛毯。飲水、食藥、食野，全部都要禁鐘求警察。係入面，你唯一可以做既野就係坐同訓，時間係逐秒計算，一個鐘好似一年咁過。唯一好彩既係，我單野唔涉及政治，警察對我都冇乜留難，但點都有幾句難聽既說話。我係到諗，我呢個情況已經咁難受時，咁為香港出走出黎，被人困左超過十日、二十日、甚至一個月、一年既義士，我實在難以想像警察會點對佢地、同埋佢地既精神意志係羈留期間點樣比人折磨。因此，我決定呢單野有冇事都好，我都會定期捐錢比義士，我已經唔求將來有啲咩好既生活。希望你地都會支持義士。
3. 一定要請律師錄口供
小弟係冇家底，自己根本請唔起律師，但勸你地唔好慳呢筆錢。我係警誡下保持緘默，搜屋既時候咩都冇講(當然佢地都搜唔到啲咩)，錄口供既時候有律師陪我，我咩都冇答。我係上庭前所有野都好乾淨。正正因為有律師在場，警察係錄口供時冇砌我、威嚇我認啲咩，過程都好客氣。
4. 帶眼識人(無論係朋友定另一半)
除了家人外，唔好亂咁相信人。識人時，一定要知道對方係點既人，唔好明知佢係壞人都忠埋去(有時愛情係好盲目)。但希望你盲目之時都要保持最後0.幾分理性，如果唔係會出事架。
P.S. 唔好問我案情，我真係唔講得，總之係比人設局陷害，到我審完我或者會再講。睇完你地明幾多就明幾多，歡迎被人拉過既人分享下。
再P.S希望你地可以替我集氣，連登有愛。Touchwood講句，我一輸真係會咩都冇哂，羸左或者可以苟且偷生。無論如何，我都會盡我最大努力去捐錢比義士。
來源：https://lihkg.com/thread/1793709/page/1